जसपाका तीन मन्त्री फिर्ता, एक मन्त्री एथावत

काठमाडौं । सरकार समर्थक राजनीतिक दलहरुले फटाफट मन्त्री फेरबदल गरिरहेका छन् । केही दिन पहिले नेकपा एसले सरकारमा प्रतिनिधित्व गर्ने आफ्ना मन्त्रीहरुलाई फिर्ता बोलाएर नयाँमन्त्रीहरुलाई सरकामा सामेल गराएको छ भने जनता समाजवादी पार्टी (जसपा)ले पनि आफ्ना तीन जना मन्त्रीलाई सरकारबाट फिर्ता बोलाउदै तीन जना नयाँ मन्त्रीको नाम समेत प्रधानमन्त्री शेर बहादुर देउवा समक्ष सिफारिस गरिसकेको छ ।

नयाँ मन्त्रीको नाममा सिफारिस भएकामा इस्तियाक राई, प्रदीप यादव र मृगेन्द्र सिंह रहेका छन् । राईलाई भौतिक पूर्वाधार, यादवलाई वन र राष्ट्रिय सभा सदस्य सिंहलाई कृषि मन्त्रीको रुमा सिफारिस गरिएको जनाइएको छ ।

फिर्ता बोलाइएका मन्त्रीहरुमा कृषि मन्त्री महिन्द्र राय यादव, भौतिक पूर्वाधार मन्त्री रेणु यादव र वन मन्त्री राम सहाय यादव रहेका छन् । संघीय मामिला तथा सामान्य प्रशासन मन्त्री राजेन्द्र श्रेष्ठलाई मन्त्रीबाट फिर्ता बोलाइएको छैन् ।