- २८ जेष्ठ २०८३, बिहीबार / Jun 11, 2026
दिल्ली । भारतको राजधानी नयाँ दिल्लीमा आजदेखि जी–२० शिखर सम्मेलन शुरु हुदैछ । उक्त सम्मेलनमा भाग लिन विश्वका नेताहरु दिल्ली आइपुगेका छन् ।
अमेरिकी राष्ट्रपति जो बाइडन हिजै दिल्ली आइपुगे भने चीनिया राष्ट्रपति सी चिनफिङ र रुसी राष्ट्रपति भ्लादिमिर पुटिन सहभागी नहुने भएका छन् ।
यस सम्मेलनमा रुस युक्रेन युद्ध मुख्य मुद्दा हुने वताइएको छ । हिजो साँझ दिल्ली पुगेका बाइडनले हिजै भारतीय प्रधानमन्त्री मोदीलाई भेटेर विभिन्न क्षेत्रमा सहयोग गर्ने प्रतिवद्धता जनाइसकेका छन् ।
जी–२० मा विश्वका ठूला अर्थतन्त्र भएका १९ राष्ट्र र युरोपेली संघ रहेका छन् ।यसपटकको सम्मेलनको मुख्य चुनौती भनेको घोषणापत्रमा सहमत गराउनु हुने बुझिएको छ ।
असहमतिका बाबजुद पनि भारतले सदस्य राष्ट्रहरुलाई दिल्ली घोषणापत्रमा सहमत गराउन कडा दवाब दिने छ ।
गत वर्ष इन्डोनेसियामा भएको शिखर सम्मेलनमा युद्धका विषयलाई लिएर तीब्र असहमति थियो । सी र पुटिनको अनुपस्थितिले यस विषयमा निर्णय लिन अझै कठिन हुने अनुमान गरिएको छ ।
