- ५ आश्विन २०८३, सोमबार / Sep 21, 2026
काठमाडौं । चितवन निर्वाचन क्षेत्र नम्बर २ को उपनिर्वाचनमा राष्ट्रिय स्वतन्त्र पार्टीका उम्मेदवार रवि लामिछाने विजयी भएसंगै मतदातामा उत्साह र राजनैतिक दलमा तरंग आएको छ । वैशाख १० गते भएको उपनिर्वाचनमा लामिछानेले ५४ हजार १ सय ७६ मत प्राप्त गरी दोस्रो पटक विजयी हासिल गरेका हुन ।
उनले ४२ हजार ९ सय ६२ मतान्तरले प्रतिस्पर्धी कांग्रेसका उम्मेदवार जितनारायण श्रेष्ठलाई पछारेका छन् । जितनारायण श्रेष्ठले ११ हजार २ सय १४ मतमा चित्त बुझाउनु प¥यो । त्यस्तै, एमालेका रामप्रसाद न्यौपानेले १० हजार ९ सय ३६ मत ल्याए ।
कांग्रेस, एमाले र माओवादी केन्द्रलाई नसच्चिए सक्काइदिने चेतावनीपूर्ण आक्रोष चितवन– २ को उपनिर्वाचनले देखाइदिएको छ । गठबन्धनका साझा उम्मेदवार जीतनारायण श्रेष्ठले मंगलबार चितवनको अन्तिम नतिजा सार्वजनिक हुँदै गर्दा सञ्चारकर्मीलाई सच्चिने प्रतिक्रिया दिए ।
उपनिर्वाचनको सन्देशलाई बुझेर ७० वर्षे राजनीतिक इतिहास बोकेका पुराना राजनीतिक दल कित सच्चिन तयार हुनु प¥यो कि त सक्किन तयार हुनुप¥यो भनेर मतदाताले भनिरहेका छन् । आफ्नो कार्यशैलीलाई जनताले ‘रिजेक्ट’ गर्न चाहेको उनको तर्क छ ।
गत मंसिरमा चितवन– २ बाट राष्ट्रिय स्वतन्त्र पार्टीका सभापति रवि लामिछाने ४९ हजार ३ सय मतसहित निर्वाचित भएका थिए । त्यो बेला रविका निकटतम प्रतिस्पर्धी उमेश श्रेष्ठ १४ हजार ९८८ मतसहित दोस्रो स्थानमा थिए । नेकपा एमालेका उम्मेदवार कृष्णभक्त पोखरेल १४ हजार ६ सय ५२ मतसहित तेस्रो स्थानमा थिए ।
नागरिकता काण्डसँगै रविको सांंसद् लगायत पद गएपछि भएको उपनिर्वाचनमा कांग्रेस र एमाले उम्मेदवारको मत तुलनात्मकरुपमा घटेको छ । त्यतिबेला रविले ४९ हजार ३०० मत पाउँदा कांग्रेस उम्मेदवार उमेश श्रेष्ठले १४ हजार ९ सय ८८ र एमाले उम्मेदवार कृष्णभक्त पोखरेलले १४ हजार ६ सय ५२ मत पाएका थिए ।
