- ३१ असार २०८३, बुधबार / Jul 15, 2026
काठमाडौं । विश्व स्वास्थ्य संगठन (डब्ल्यूएचओ)का महानिर्देशक डा. टेड्रोस अधानोम गेब्रेयसस काठमाडौं आइपुगेका छन् ।
महानिर्देशक गेब्रेयससका साथ डब्लुएचओको दक्षिण पूर्व एशिया क्षेत्रीय कार्यालयका क्षेत्रीय निर्देशक डा. पुनम खेत्रपाल र डब्ल्यूएचओका अन्य अधिकारीहरूसाथमा रहेका छन् ।
डब्ल्यूएचओ प्रतिनिधि मण्डलको सम्मानमा बेलुकी स्वास्थ्य मन्त्री खतिवडाले रात्रिभोजको आयोजना गरेका छन् । महानिर्देशक गेब्रेयसस त्यहाँ सहभागी हुने छन् भने तीनदिने भ्रमणका क्रममा गेब्रेयससले विभिन्न व्यक्तित्वसंग भेट गर्ने कार्यक्रम रहेको छ ।
राष्ट्रपति विद्यादेवी भण्डारी, प्रधानमन्त्री शेरबहादुर देउवा र राष्ट्रियसभाका अध्यक्ष गणेशप्रसाद तिमिल्सेनासँग शिष्टाचार भेटवार्तापछि स्वास्थ्य तथा जनसंख्यामन्त्री विरोध खतिवडा र परराष्ट्रमन्त्री नारायण खड्कासँग पनि भेटघाट गर्ने कार्यक्रम छ ।
नेपालमा रहँदा उनले नेपाल सरकारका उच्च अधिकारी, डब्ल्यूएचओका नेपालस्थित प्रतिनिधि र संयुक्त राष्ट्रसंघका प्रतिनिधिसँग पनि छलफल गर्ने छन् ।
