‘नेपाली हिटलरले सबैमाथि खड्ग चलाउँदैछ, होसियार !’

काठमाडौँ । नेकपा एमालले पार्टी अध्यक्ष केपी शर्मा ओलीलाई थप शक्तिशाली बनाउँदै लगेपछि पूर्वप्रधानमन्त्री डा.बाबुराम भट्टराईले कटाक्ष गरेका छन् ।

विधान संसोधन गर्दै अध्यक्ष एवं प्रधानमन्त्री ओलीलाई समानुपातिक सांसद हटाउन सक्ने अधिकार दिएको भोलिपल्ट ट्वीट गर्दै डा.भट्टराईले ओलीलाई कटाक्ष गरेका हुन ।

नेपाली हिटलरको संज्ञा दिदै जनता समाजवादी पार्टीका संघीय परिषद् अध्यक्षसमेत रहेका उनले हिटलरले सबैमाथि प्रतिगमनकारी प्रहार गर्न सक्ने जिकिर गरे ।

राज्यको शक्ति आफूमा केन्द्रित गरेर सबैमाथि खड्ग चलाउँदैछ भन्दै होसियार रहन आग्रह गरेका छन् ।