ताजा जनादेशका लागि पाकिस्तानमा संसद विघटन

एजेन्सी । पाकिस्तानमा संसद विघटन भएको छ । ताजा जनादेशका लागि पाकिस्तानमा संसद विघटन भएको छ । प्रधानमन्त्री शहबाज सर्रिफको सल्लाहमा राष्ट्रपति आरिफ अल्भीले त्यहाँको संसद राष्ट्रियसभा भंग गरेका हुन् ।

यही अगष्ट १२ तारिखमा पाँच वर्षे कार्यकाल पूरा हुने संसद बुधबार राती विघटन गरिएको हो । अबको ३ दिनभित्र कार्यवाहक प्रधानमन्त्रीको चयन गर्नुपर्ने छ । कार्यबाहक प्रधानमन्त्री चयनका लागि विघटित संसदमा विपक्षी दलका नेता रहेका राजा रियाजले प्रधानमन्त्री सरिफसँग बिहीबार भेटवार्ता गरेका छन ।

कार्यबाहक प्रधानमन्त्रीले ९० दिनभित्र आमनिर्वाचन गराउनु पर्ने छ । संसद विघटनसँगै प्रधानमन्त्री सर्रिफ नेतृत्वको मन्त्रिपरिषद् पनि विघटन भएको छ । निर्वाचन गराउनका लागि कार्यवाहक प्रधानमन्त्री नियुक्त नभएसम्म सर्रिफ नै काम चलाउन सरकारको प्रधानमन्त्री रहने छन् ।