- १० आश्विन २०८३, शनिबार / Sep 26, 2026
दाङ । तुलसीपुर उपमहानगरपालिकामा गठबन्धन र एमालेका उम्मेदवारहरुबीच कडा प्रतिस्पर्धा भइरहेको छ । गठबन्धनको तर्फबाट नेपाली कांग्रेसका मेयर पदका उम्मेदवार गेहेन्द्र गिरी र एमालेका टीकाराम खड्का झिनो मतअन्तरले अगाडि–पछाडि छन् ।
पछिल्लो परिणाम अनुसार एमालेका खड्का ७१ मत अन्तरले अगाडि छन् । २५ हजार ६८३ मत गणना हुँदा एमालेका खड्काले १० हजार ६०५ मत र नेपाली कांग्रेसका गिरीले १० हजार ५३४ मत ल्याएका छन् ।
यसअघि कांग्रेसका गिरी अगाडि थिए । उपमेयरमा भने एमालेकी स्यानी चौधरी गठबन्धनका उम्मेदवारभन्दा फराकिलो मतले अगाडि छिन् । उनले आफ्नो सुरुवाती अग्रतालाई कायम राख्दै मतान्तर बढाउँदै गएकी छन् ।
चौधरीले ९ हजार ९१७ मत ल्याएकी छन् । प्रतिस्पर्धी एकीकृत समाजवादीका जोगबहादुर रानाले ८ हजार ९९ मत ल्याएका छन् ।
