- ११ कार्तिक २०८३, बुधबार / Oct 28, 2026
काठमाडौं । सवारी दुर्घटनामा घाइते भएका माले महासचिव सीपी मैनालीसहित सबै घाइतेलाई थप उपचारका लागि काठमाडौँ ल्याइएको छ । नेपाली सेनाको हेलिकप्टरमार्फत उनीहरुलाई आज अपरान्ह काठमाडौँ ल्याईएको हो ।
दुर्घटनामा घाइते भएका उनीहरुको महोत्तरीस्थित जनसेवा अस्पतालमा उपचार भएको र थप उपचारका लागि काठमाडौं पठाइएको जिल्ला प्रहरी कार्यालय महोत्तरीका डीएसपी माधव बुढाथोकीले बताए ।
बिहीबार बर्दिबासस्थित रातुको पुलमा दुर्घटना भएको हो । मैनाली सवार बा ४ च २१२० नम्बरको कारलाई विपरीत दिशाबाट आइरहेको ना ४ ख ७६६८ नम्बरको पिकअफ भ्यानले ठक्कर दिएको थियो ।
मैनालीको टाउको र शरीरको अन्य भागमा गम्भीर चोट लागेको छ भने बुहारीको दुवै खुट्टा भाँचिएको प्रहरीले जनाएको छ । अहिले उनीहरुको काठमाडौं धापासीस्थित ग्राण्डी अस्पतालमा थप उपचार भइरहेको बताइएको छ ।
