देउवा र ओलीले गरे प्रधानमन्त्रीको दाबी प्रस्तुत, आधार अध्ययन गर्दै राष्ट्रपति

काठमाडौं । संविधानको धारा ७६ को उपधारा ५ वमोजिमको सरकार गठनका लागि एमालेका अध्यक्ष केपी शर्मा ओली र कांग्रेसका सभापति शेरबहादुर देउवाले दाबी पेश गरेका छन् ।

प्रतिनिधिसभाका दुई वा दुईभन्दा बढी दलको बहुमतसहित दावी पेश गर्न दिएको समयभित्र ओली र देउवाले बहुमत रहेको भन्दै दाबी पेश गरेका हुन् ।साँझ ५ बजेभित्र दाबी पेश गरिसकेका ओली र देउवाले बहुमत दाबी गरेर शीतल निवासबाट बाहिरिएका थिए ।

ओलीले एमाले र जसपाका १५३ जना सांसदको समर्थन रहेको दाबी गरेका छन् भने देउवाले कांग्रेस, माओवादी, जसपाका अध्यक्ष उपेन्द्र यादव र एमालेका माधव नेपाल पक्षको समर्थनमा १४९ जना सांसदको हस्ताक्षर बुझाएका छन् ।