निजी सवारीसहित यी क्षेत्र खुला गर्ने सरकारको निर्णय (भिडियाे सहित)

निजी सवारीसहित यी क्षेत्र खुला गर्ने सरकारको निर्णय (भिडियाे सहित) image

२९ जेठ २०७७ काठमाडाैं । सरकारले लकडाउन खुकुलो बनाउँदै सरकारी कार्यालय र निजी सवारीसाधनसहित २१ प्रकारका क्षेत्र खुलाउने निर्णय गरेको छ । मन्त्रिपरिषद्को बैठकको निर्णय सार्वजनिक गर्दै सरकारका प्रवक्ता डा. युवराज खतिवडाले यी क्षेत्र खुलाउने निर्णय भएको जानकारी दिए ।

निजी क्लिनिकसहित स्वास्थ्यसँग जोडिएका सबै क्षेत्र, कृषि तथा पशुपक्षी व्यवसायको उत्पादन र बिक्री–वितरण, सपिङ मलबाहेकका उद्योग, व्यापार, डिपार्टमेन्ट स्टोर, पसलहरू छन् । सबै प्रकारका ढुवानी सेवा, भिडभाड नगरी व्यक्तिहरूको पैदल आवागमन, एकजना मात्र सवार हुन पाउने गरी साइकल र मोटरसाइकल, उपत्यकाभित्र र अन्य जिल्लाहरूमा जिल्लाभित्र आवातजावत गर्न पाउने गरी जोर–बिजोर प्रणालीका आधारमा सवारीचालकबाहेक दुईजना यात्रुहरू राखेर निजी सवारी सञ्चालन गर्न पाइनेछ ।

फोहोरमैला व्यवस्थापनसँग जोडिएको काम र क्षेत्र, विद्युत्, दमकल, हुलाक सेवा, बैंक, सहकारी तथा वित्तीय संस्थाहरू, नर्सरी तथा वनजन्य उद्योग, निजी क्षेत्रबाट प्रवर्द्धित आयोजनासहित विकास आयोजनाहरू रहेका छन् । जलविद्युत् र पूर्वाधार विकासका सबै आयोजनाहरू सञ्चालन गर्न पाइनेछ ।

भिडियाे…

https://www.facebook.com/Kailashkhabarnews/videos/2556947167904216/

रेस्टुरेन्टको प्याकिङ सेवा, क्वारेन्टाइनका लागि तोकिएका होटेल र उनीहरूले सञ्चालन गर्ने यातायातका सवारीसाधन छन् । सरकारी कार्यालय, शिक्षण संस्थाका कार्यालयहरू, गैरसरकारी संस्थाका कार्यालयहरूमा भौतिक दूरी कायम हुने गरी तथा भिडभाड नहुने गरी दुई सिफ्टमा सञ्चालन गर्ने सरकारको निर्णय छ । १ असारबाट लागू हुनेगरी ती कार्यालयहरू बिहान ८ देखि १ बजेसम्म पहिलो सिफ्ट तथा १ देखि ६ बजेसम्म दोस्रो सिफट्मा सञ्चालन हुनेछन् ।

निजी सेवा प्रदायक कार्यालय, उद्योगहरूले स्वास्थ्य मन्त्रालयको मापदण्डअनुसार सिटको लहरमा एक सिटमा एकजना राखेर सवारीसाधनलाई निसंक्रमित बनाएर सञ्चालन गर्न सक्नेछन् । संक्रमण जोखिमको अवस्था र परिस्थितिको मूल्यांकन गरेर सरकारले अहिले जारी आदेशअनुसारको निर्णयमा सरकारले हेरफेर गर्न सक्ने उनको भनाइ छ ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्

  • प्रचण्डलाई माधव नेपालको विश्वासको मत image

    प्रचण्डलाई माधव नेपालको विश्वासको मत

    काठमाडौं। एकीकृत समाजवादीका अध्यक्ष माधव कुमार नेपालले प्रधानमन्त्री पुष्पकमल दाहाल ‘प्रचण्ड’ लाई विश्वासको मत दिने बताएका छन् । आज पेशागत महासंघ नेपालको २९औं स्थापना दिवसको अवसरमा आयोजित कार्यक्रमलाई सम्बोधन...

  • गृहमन्त्रीलाई आजको संसदमा बोल्न दिने विपक्षी दलको निर्णय image

    गृहमन्त्रीलाई आजको संसदमा बोल्न दिने विपक्षी दलको निर्णय

    काठमाडौं । उपप्रधानमन्त्री एवं गृहमन्त्री रवि लामिछानेलाई आजको संसदमा बोल्न दिने विपक्षी दलको बैठकले निर्णय गरेको छ । नेपाली कांग्रेसका सभापति शेरबहादुर देउवाले बोलाएको विपक्षी दलहरुको साझा बैठकले गृहमन्त्रीको...

  • संसद् बैठकअघि प्रतिपक्षी दलसँग कांग्रेसको छलफल image

    संसद् बैठकअघि प्रतिपक्षी दलसँग कांग्रेसको छलफल

    काठमाडौंको नयाँ बानेश्वरमा विपक्षी दलहरूको बैठक बसेको छ। नेपाली कांग्रेसका सभापति शेरबहादुर देउवाले संसदमा प्रतिपक्षी दलहरूको बैठक बोलाएका छन्। बैठक केहीबेरमा बस्नेगरी संसद् भवनमा बोलाइएको हो। आइतबार बस्ने प्रतिनिधि...

  • आम्दानीको स्रोत बन्दै फोहोर image

    आम्दानीको स्रोत बन्दै फोहोर

    काठमाडौं । धनगढी उपमहानगरले वर्गीकरण गरेर फोहोर बिक्री गर्न थालेको छ । फोहोरबाट उत्पादन भएको ग्यास सिलिन्डरमा भरेर बजार पठाउने तयारी गरेको छ । पुनः प्रयोग गर्न नसकिने फोहोरका लागि मात्र...


hotelghyampedanda