- २२ श्रावण २०८३, शुक्रबार / Aug 7, 2026
काठमाडौं । स्पेनिस ला लिगा फुटबलमा सेभिल्लाले सहज जीत निकालेको छ । घरेलु मैदानमा भएको खेलमा सेभिल्लाले बेटिसमाथि सहज जीत निकालेको हो ।
घरेलु मैदानमा भएको खेलमा सेभिल्लाले बेटिसलाई २ – ० गोलले हरायो ।
कोरोना भाइरसको महामारीका कारण गएको मार्च दोस्रो हप्तादेखि रोकिएको खेल गएरातिदेखि बन्द रंगशालामा खेलाउन शुरू गरिएको हो ।
खेलमा पहिलो हाफ गोलरहित बराबरी भए पनि दोस्रो हाफमा सेभिल्लाले २ गोल गर्न सफल भयो ।
सेभिल्लाका लागि ५६ औँ मिनेटमा पाएको पेनाल्टीमा ओक्याम्पस र ६२ औँ मिनेटमा रिगसले गोल गरेका हुन्।
जीतपछि सेभिल्ला २८ खेलबाट ५० अंकसहित तालिकाको तेस्रो स्थानमा छ भने रियल बेटिस ३३ अंकसहित १२ औँ स्थानमा छ ।
