- ६ कार्तिक २०८३, शुक्रबार / Oct 23, 2026
काठमाडौं । आज (शुक्रबार) सर्वदलीय बैठक बस्दैछ । निर्वाचन आयोगको आह्वानमा राष्ट्रियसभा र स्थानीय तहको निर्वाचनबारे छलफल गर्न आयोगले बिहान ११ बजे बैठक बोलाएको छ ।
बैठकमा आसन्न राष्ट्रियसभा निर्वाचन र स्थानीय तहको निर्वाचनको मितिदेखि तयारीसम्मका बारेमा कुराकानी हुने आयोगका प्रवक्ता शालिग्राम शर्मा पौडेलले बताए । संघीय संसद, प्रदेश संसद र स्थानीय तहमा प्रतिनिधित्व गरिरहेका दलहरु बैठकमा सहभागी हुने जनाइएको छ ।
१२ माघमा हुने राष्ट्रियसभा निर्वाचन र स्थानीय तहमा पहिलो कार्यकाल पूरा हुन थाल्दा आयोगले निर्वाचनको तयारी थालेको हो । निर्वाचन अगाडि मतदाता नामावली संकलनलगायतका विषयमा आयोगले छलफल गर्न लागेको जनाएको छ ।
