नेपालमा कोरोना संक्रमितको संख्या ६१,५९३ पुग्यो, थप सात जनाकाे मृत्यु

काठमाडौं । थप २०२० जनामा कोरोना संक्रमण पुष्टि भएसंगै संक्रमितको संख्या ६१ हजार ५९३ पुगेको छ । विहीबार नियमित लाइभ अपडेटमा स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले यस्तो जानकारी दिएका हुन् ।हालसम्म नेपालमा सक्रिय संक्रमितको संख्या १७ हजार ३८३ जना रहेका छन् । पछिल्लो २४ घण्टामा थप ८७१ जना कोरोना संक्रमित निको भएका छन्। योसँगै नेपालमा कोरोना संक्रमण भएर निको हुनेको संख्या ४३ हजार ८२० पुगेको छ।

कुन प्रदेशमा कति मुक्त ?
प्रदेश १ मा ३८४७ जना
प्रदेश २ मा ११९०० जना
वाग्मती प्रदेश ९७७१ जना
गण्डकी प्रदेशमा २५३४ जना
प्रदेश ५ मा ६९६० जना
कर्णाली प्रदेशमा २६५७ जना
सुदूरपश्चिम प्रदेशमा ६१५१ जना

थप ७ जनाको मृत्यु
नेपालमा हालसम्म ज्यान गुमाउनेको संख्या ३९० पुगेको छ । थप सात जनाको मृत्यु भएसंगै यति धेरै संक्रमितको मृत्यु भएको हो ।