नेपाली सेनाको टोली आधार शिविरमा

काठमाडौं । नेपाली सेनाले नेतृत्व गरेको ‘सफा हिमाल अभियान– २०२२’ को टोली चार वटा हिमालका आधार शिविरमा पुगेका छन् । सगरमाथा, ल्होत्से, कञ्चनजंघा र मनास्लु हिमालको सफाइ गर्ने तयारीकासाथ उक्त टोली त्यहाँ गएको हो ।

सगरमाथा र ल्होत्सेमा खटिएको टोली १ वैशाख, कञ्चनजंघामा खटिएको टोली ८ वैशाख र मनास्लुमा खटिएको टोली ९ वैशाखमा आधार शिविर पुगेको नेपाली सेनाले जनाएको छ ।

बेस क्याम्प पुगे पश्चात् उक्त टोलीले फोहोर संकलन कार्य सुरु गरेको जंगीअड्डा जनसम्पर्क तथा सूचना निर्देशनालयले जनाएको छ । हिमाल सफाइ अभियान यही वैशाख २२ गतेसम्म सञ्चालन हुने नेपाली सेनाले जनाएको छ ।