नेवारी बालिकाको सामूहिक बेलविवाह

भक्तपुर । बहत्तर जना नेवारी बालिकाको सामुहिक बेल विवाह सम्पन्न भएको छ । आज भक्तपुर नगरपालिका वडा नं. ६ याछेंं स्थित गणेश मन्दिरमा इहिं जज्ञ सम्पन्न भएको हो ।

नेवार समुदायकी कन्याहरुलाई एकै ठाउँमा राखेर सामूहिक बेल बिबाह गरिएको स्थानीय रामेश्वर प्रजापतिले बताए ।

उनले भने, ‘नेवारी बालिका रजश्वला नहुदै बेलसँग विवाह गरिदिने परम्परा अनुसार आज बेल विवाह गरिएको हो । कन्याहरुको बेलसंग विहे गरिदिएका हौं ।’ छोरीको वेल, सुर्य र मानिससँग गरी तिन पटक विवाह हुने उनको भनाइ छ । कार्यक्रममा कन्याहरुलाई इहि संस्कारबाट सुसज्जित पारिएको थियो ।

विधिवत रूपमा पूजाआजा गरेपछि बालिकाका बुवाले कन्यादान दिएपछि यो विवाह सम्पन्न भएको स्थानीय बलराम नापितले बताए ।