- १५ भाद्र २०८३, सोमबार / Aug 31, 2026
काठमाडौं । संसदको अन्तर्राष्ट्रिय सम्बन्ध समितिमा परराष्ट्रमन्त्री नारायण खड्का अनुपस्थित भएका बेला परराष्ट्र नीति बारेको छलफल भएको छ ।
समितिले सोमबार बिहान छलफलका लागि मन्त्री खड्कालाई बोलाएको थियो । तर अन्तिम समयमा मन्त्रीले आफू बजेटमाथि उठेका जवाफ दिने तयारीमा रहेको भन्दै अनुपस्थित रहे । मन्त्री अनुपस्थित भएको सभापति पबित्रा निरौला खरेलले समितिलाई जानकारी गराएकी हुन ।
खरेलले भनिन्, ‘अमेरिकी जर्नेलको नेपाल भ्रमणबारे सरकारले जानकारी दिइरहेको छैन । कतिपय भ्रमणबारे परराष्ट्रकै अधिकारी जानकार नभएको पाइएको छ ।
यो विषयमा छलफल गर्न परराष्ट्र मन्त्रीलाई बोलाइएको थियो तर उहाँ आउन असमर्थ हुनुभयो ।’ मन्त्री नभए पनि छलफल गर्न कुनै बाधा नपर्ने समितिका सदस्यहरुलाई आग्रह गरिन् ।
