पाटन अस्पतालमा उपचाररत एक संक्रमितको मृत्यु

११ असार २०७७ काठमाडौं । पाटन अस्पतालमा एकजना कोरोना संक्रमतिको मृत्यु भएको छ । अस्पतालमा उपचारत ५० वर्षका एक जना पुरुषको मृत्यु भएको जिल्ला स्वास्थ्य कार्यलय ललितपुरका प्रमुख डाक्टर खगेन्द्र गेलालले बताए ।

ललितपुरको महालक्ष्मी नगरपालिका टिकाथलीमा बस्दै आएक मृतकको स्थायी ठेगाना चितवन हो । केही समय अघि स्वास्थ्यमा समस्या आएपछि उनलाई अस्पतालमा भर्ना गरिएको थियो ।

भाइरस संक्रमणको आशंका गरी स्वाब संकलन गरी कोरोना परीक्षण गर्दा उनमा कोरोना पोजेटिभ देखिएको थियो । शव व्यवस्थापन नेपाली सेनाको सहयोगमा  गरिएको डा. गेलालले जानकारी दिए ।