पीसीआर शुल्क घट्यो, दुई हजारमै टेष्ट हुने, देशभर संक्रमितको संख्या ५४ हजार नाघ्यो (भिडियो)

काठमाडौं । सरकारले कोरोना संक्रमण परीक्षणको शुल्क घटाएको छ । अब सरकारी र निजी सबै ल्याबमा दुई हजार रुपैयाँमा पीसीआर टेष्ट हुनेछ । रिएजेन्ट र अन्य सामानको मूल्य घटेको आधारमा नयाँ मूल्य निर्धारण गरिएको स्वास्थ्य तथा जनसंख्या मन्त्रालयले जनाएको छ ।

यसभन्दा पहिले टेष्टको शुल्क ५५०० तोकिएको थियो । घटाएर ४ हजार रुपैयाँ बनाइएको थियो त्यसलाइ घटाएर दुइ हजार तोकिएको छ । पछिल्लो २४ घण्टामा थप १०३९ जनामा कोरोना भाइरस संक्रमण पुष्टि भएको छ । देशभरको प्रयोगशालामा ९ हजार १६५ नमुना परीक्षण गर्दा उनीहरुमा संक्रमण पुष्टि भएको हो ।

आज ११७३ जना डिस्चार्ज भएका छन् ।काठमाडौंका ४८३ जना, भक्तपुरका ८१ जना र ललितपुरका ३३ जना संक्रमित भएका हुन् । यससँगै ललितपुर र भक्तपुरमा पनि संक्रिय संक्रमितको संख्या ५०० नाघेको छ । यो सहित नेपालमा कोरोना भाइरस सङ्क्रमितको सङ्ख्या ५४ हजार एक सय ५९ पुगेको छ ।

अब नेपालमा १५ हजार एक सय १७ जना सक्रिय सङ्क्रमित आइसोलेशनमा रहेका छन् । यस्तै ६ हजार पाँच सय ३६ जना क्वरेण्टीनमा रहेको मन्त्रालयले जनाएको छ ।

हेर्नुहाेस् भिडियाे…

https://www.facebook.com/Kailashkhabarnews/videos/261021694946157/