पोखरामा गोली चल्यो

११ असार २०७७ पोखरा । कोरोना संक्रमणबाट मृत्यु भएकाको शव व्यवस्थापनमा अवरोध भएपछि प्रहरीले हवाई फायर गरेको छ । पश्चिमाञ्चल क्षेत्रीय अस्पतालमा उपचार गराइरहेका स्याङ्जाको अर्जुनचौपारी गाउँपालिकाका ५५ वर्षे पुरुषको बुधबार राति मृत्यु भएको थियो ।

पोखरा ३२ नजिककै खालि जमिनमा शव गाड्न लैजाँदा स्थानीयले अवरोध गरेका थिए। स्थानीयले आफ्नो गाउँठाउँमा शव गाड्न नदिने भन्दै सशस्त्र प्रहरीको गाडी नै तोडफोडसमेत गरेपछि ८ जनालाई नियन्त्रणमा लिएको छ ।

शव गाड्न डोजरले खाल्डो खन्न लाग्दा स्थानीयले अवरोध गरेपछि ८ राउन्ड हवाई फायर गर्नुपरेको कास्की प्रहरीका प्रवत्ता डीएसपी सुवास हमालले बताए!