- १ भाद्र २०८३, सोमबार / Aug 17, 2026
काठमाडौं । ७२औं राष्ट्रिय प्रजातन्त्र दिवसको अवसरमा नेपाल टेलिकमले भ्वाइस ओभर एलटीई (भोल्टी कल) निःशुल्क गरेको छ। एमपोसबाट गरिने रिचार्जमा डाटा बोनस पनि उपलब्ध गराइने टेलिकमले जनाएको छ।
यो अफर प्रजातन्त्र दिवस परेको शनिबार एक दिनका लागिमात्रै उपलब्ध हुने टेलिकमका सह–प्रवक्ता रञ्जित लोहियाले बताए । उनले भने, ‘नेपाल टेलिकमले व्यावसायिक सञ्चालनमा ल्याएको भ्वाइस ओभर एलटीई अर्थात भोल्टी सेवामा शनिबार कम्पनीको नेटवर्कभित्र
भोल्टी कल निःशुल्क उपलब्ध हुनेछ ।’ दिवसकै अवसरमा शनिबार एमपोसबाट गरिने रु २०० देखि रु ४९९ सम्मको रिचार्जमा ५१२ एमबी डाटा र रु ५०० वा सोभन्दा माथिको रिचार्जमा १०२४ एमबी डाटा बोनसको रुपमा निःशुल्क उपलब्ध हुने उनको भनाइ छ ।
