बलात्कारको आरोपमा खेलाडी पक्राउ

काठमाडौं । म्यानचेस्टर युनाइटेडका मासोन ग्रीनवुड बलात्कारको आरोपमा पक्राउ परेका छन्। सामाजिक सञ्जालमा एक महिलाले ग्रीनवुडले आफूमाथि दुर्व्यवहार गरेको आरोप लगाउँदै फोटो र। भिडियो पोस्ट गरेकी प्रहरीले बताएको छ ।

प्रहरीले यस विषयमा थप अनुसन्धानका लागि भन्दै ग्रीनवुडलाई पक्राउ गरेको हो । अहिले प्रहरी हिरासतमै रहेको र उनको अनुसन्धानको काम चलिरहेको प्रहरीले जनाएको छ।

यसअघि म्यानचेस्टर युनाइटेडले एक सूचना जारी गर्दै ग्रीनवुड अर्को सूचना जारी नहुँदासम्म प्रशिक्षणमा नआउने बताएका थिए । क्लबले आफूहरु कुनै पनि किसिमको हिंसाको समर्थन नगर्ने र सत्यतथ्य बाहिर नआउँदासम्म यस विषयमा थप प्रतिक्रिया दिन नसकिने बताएको छ।

ग्रीनवुडले भने आफूमाथि लागेको आरोपबारे मौन रहेका छन्।