- ७ कार्तिक २०८३, शनिबार / Oct 24, 2026
काठमाडौं । महानगर र उपमहानगरपालिकाको भागवण्डा टुंग्याउन सोमबार विहानै बसेको शीर्ष नेताहरुको बैठक छाडेर एकाएक पत्रकार सम्मेलन गरेका माओवादी केन्द्रका अध्यक्ष प्रचण्ड पेरिसडाँडा पुगेर ढुक्क भएको बताएका छन् ।
चुनाव लक्षित गतिविधि प्रचारका लागि प्रत्येक सोमबार गर्ने पत्रकार सम्मेलनको सुरुवातका लागि प्रचण्ड पेरिसडाँडा पुगेको बताए । बैठकको सूचना चूहाउदै प्रचण्डले ६ महानगर र ११ वटा उपमहानगरमा समझदारी बनाउने प्रयास भइरहेको जिकिर गरे ।
भरतपुर महानगरको मेयर माओवादी केन्द्रले पाउने दावी गरे । गठबन्धनमा आवद्ध दलहरुबीच ५०–५० प्रतिशतको अनुपातमा बाँडफाँट हुने संकेत गरेका छन् ।
महानगरपालिकामा कांग्रेसले ५० प्रतिशत हिस्सा पाउने र गठबन्धनका अन्य दलले ५० प्रतिशत पाउने प्रचण्डको भनाइ छ ।
