भारतबाट आयात हुने माछा, मासु अण्डालगायतका सामान आयात पूर्णरूपमा बन्द

दोधारा । कारोना सङ्क्रमण बढेसँगै दोधारा चाँदनी नगरपालिका एक हप्तासम्मका लागि बन्द गरिएको छ । बिहीवार दिउँसो बसेको नगरपालिकाको आपत्कालीन बैठकले पुस ९ गतेसम्मका लागि बन्द गर्ने निर्णय गरेको हो ।

किराना पसल, हार्डवेयर पसल, खाद्यान्न पसल बिहान १० बजेदेखि १ बजेसम्म स्वास्थ्य सुरक्षाको मापदण्ड पालना गर्ने गरी खोल्न पाउने भएको छ । दूध ढुवानी, औषधि पसल २४ सै घण्टा सञ्चालन, अति आवश्यक सेवाबाहेकका सेवाहरु बन्द हुने र भारतबाट आयात हुने माछा, मासु अण्डालगायतका सामान पूर्णरूपमा बन्द गरिएको छ ।

जनप्रतिनिधि, कर्मचारी, स्वास्थ्यकर्मीसहित स्थानीय बासिन्दामा कोरोनाको सङ्क्रमण देखिएपछि नगरपालिका क्षेत्रमा आवतजावत, बजार क्षेत्र, शैक्षिक संस्था पूर्णरूपमा बन्द गर्ने निर्णय गरिएको नगरपालिकाका प्रवक्ता दिलबहादुर सिजालीले बताए ।