भेन्टिलेटर नपाउँदा वडाअध्यक्षको मृत्यु

इटहरी । कोशी गाउँपालिका २ का वडा अध्यक्ष हिरालाल यादवको समयमै भेन्टिलेटर नपाउँदा ज्यान गएको छ ।

हर्टअट्याक भएपछि भेन्टिलेटर खोज्दै बिर्तामोड पुर्‍याइएका यादवको बीएण्ड सी अस्पतालमा ज्यान गएको गाउँपालिका अध्यक्ष अयुब अन्सारीले बताए ।

कोरोना संक्रमणका कारण धरान र विराटनगरका अस्पतालमा भेन्टिलेटर नपाइएपछि उनलाई झापाको बीएण्ड सी अस्पताल पुर्‍याइएको थियो । तर त्यहाँ पनि उपाय नभएपछि अस्पतालबाट फर्काउने क्रममा यादवको मृत्यु भएको अन्सारीले जानकारी दिए ।