हरेक दिन कोरोना संक्रमण बढ्दै गएपछि प्रहरीमा तनाव

काठमाडौँ । निषेधाज्ञा कार्यान्वयन गराउन खटिएका नेपाल प्रहरीमा संक्रमणको ग्राफ ह्वात्तै बढ्दै गएपछि तनावमा पुगेको हो । संक्रमित हुने प्रहरीको संख्या १ सय ५९ बाट ५ सय ८३ पुगेको छ ।

प्रत्येक दिन २३ जना प्रहरीमा कोरोना संक्रमण बढेको देखिएको हो । साउन ११ मा कोरोना संक्रमण भएर उपचार गराइरहेका प्रहरीको संख्या २४ मात्रै थियो । त्यसयताको दिनमा उपचाररत संक्रमित प्रहरीको संख्या ५ सय ८३ पुगेको छ । देशव्यापी रूपमा कोरोना संक्रमण तीव्र बन्दै जाँदा प्रदेश २ र ५ का प्रहरीमा संक्रमणको दर सबैभन्दा उच्च देखिएको छ ।

प्रदेश २ का डीआईजी धीरजप्रताप सिंहले प्रहरीमा संक्रमण दर तीव्र देखिएकाले दैनिक ड्युटी समय पनि १२ देखि १४ घण्टाबाट बढाएर १६ देखि १८ घण्टा पुर्‍याइएको बताए ।