- ६ आश्विन २०८३, मंगलवार / Sep 22, 2026
काठमाडौं । अत्यधिक वर्षा भएकाले बाढी पूर्वानुमान महाशाखाले मध्य नेपालका बासिन्दालाई सतर्कता अपनाउन सुझाव दिएको छ। महाशाखाले खहरे खोलामा आकस्मिक बाढी आउनुका साथै पहाडका कमजोर भिरालो जमिनमा पहिरोको जोखिम रहेकाले स्याङ्जा, तनहुँ, पाल्पा, गुल्मी, अर्घाखाँची, रूपन्देही, कपिलवस्तु र दाङसहित आसपासका क्षेत्रमाका बासिन्दालाई सतर्कता अपनाउन अपिल गरेको हो ।
रुपन्देहीको तिनाउ नदीमा आएको बाढीले खतराको जल सतह पार गरेपछि नदी आसपासका बस्तीका बासिन्दालाई सतर्क रहन अनिल गरिएको छ । निरन्तर वर्षा भएकाले नदीमा जलसतह उच्च भएपछि रुपन्देही जिल्ला प्रशासन कार्यालयले जिल्लाका सबै स्थानीय तहलाई सतर्कता अपनाउन निर्देशन दिएको हो । तिनाउमा बिहान पानीको सतह ७ दशमलव २२ मिटर पुगेको छ ।
तिनाउ नदीमा ५ दशमलव ६ मिटर जल सतहलाई खतराको विन्दु मानिएको छ । देशका अन्य स्थानमा बिहानैदेखि वर्षा भइरहेको छ। मौसम पूर्वानुमान महाशाखाका अनुसार केही स्थानमा भारी र कतै अति भारी वर्षा भइरहेको छ । काठमाडौंमा पनि गएराति देखि नै वर्षा भइरहेको छ।
