मलद्वारमा सुन ल्याउने भारतीय नागरिक विमानस्थलबाटै पक्राउ

काठमाडाैं ।  मलद्वारमा १ किलो २ सय ग्राम सुन लुकाएर ल्याउने भारतीय नागरिक त्रिभुवन विमानस्थलबाट पक्राउ परेका छन् ।  नेपाल एअरलाइन्सको जहाजमा दुबईबाट काठमाण्डौ आएका भारतीय नागरिक शुभम् मेहरा एक किलो दुई सय ६८ ग्राम सुनसहित विमानस्थलको गेटबाट पक्राउ परेका हुन ।

बरामद सुनको मूल्य एक करोड आठ लाख ४९ हजार चार सय रुपैयाँ रहेको रहेको प्रहरीले जनाएको छ । पक्राउ परेका मेहराले सुनलाई दुई वटा पलास्टिकमा राखेर पोको बनाइ मलद्वारमा लुकाएर ल्याएको प्रहरीले जनाएको छ ।