- ६ आश्विन २०८३, मंगलवार / Sep 22, 2026
काठमाडौं । बसन्तपुर दरबार क्षेत्रमा काठमाडौं महानगरपालिकाले सवारी साधन निषेध गरेको छ । बसन्तपुर हनुमानढोका क्षेत्रको मौलिकता र सौन्दर्य जोगाउन सवारी साधनको प्रवेश निषेध गरिएको महानगर प्रमुख बालेन साहले मंगलबार बिहान सामाजिक सञ्जाल मार्फत जानकारी दिएका हुन ।
बसन्तपुर हनुमानढोका क्षेत्रमा दैनिक हजारौँ पर्यटकहरू आउने र अझै यो संख्या बढेर लाखौँ हुनसक्ने भएकाले प्रमुख पर्यटकीय सम्पदा क्षेत्रको वातावरण अक्षुण राखी विश्वलाई गौरवसाथ देखाउन सक्नुपर्ने मेयर शाहले उल्लेख गरेका छन् । काठमाडौं उपत्यका आफैंमा उत्कृष्ट कालीगढीको नमूना भएको र त्यसमाथि हनुमानढोका र वसन्तपुर क्षेत्र विशेष रहेको भन्दै मेयर साहले उक्त क्षेत्रको वातावरण शान्त र सुरम्य राख्नु सवैको दायित्व रहेको बताएका छन् ।
बसन्तपुर दरबार स्क्वायर क्षेत्र घुम्नको लागि मात्र नभएर धार्मिक स्थलको रुपमा पनि निक्कै प्रशिद्ध छ । यहाँ घुम्नका लागि दैनिक हजारौँको संख्यामा विदेशी पर्यटकहरु आउने गर्छ । काठमाडौं उपत्यका लगायत देशबाहिरका मानिसहरु पनि असन र न्यरोडमा सामान किन्न बसन्तपुर दरबार क्षेत्रको बाटो नै प्रयोग गर्ने भएकाले पनि यो क्षेत्रमा भिडभाड धेरै हुने गर्छ ।
