- २९ श्रावण २०८३, शुक्रबार / Aug 14, 2026
काठमाडौं । सरकारले निर्धारण गरेकोभन्दा बढी पीसीआर शुल्क असुलेका कारण भरतपुर क्यान्सर अस्पताल र चितवन मेडिकल कलेजलाई प्रशासनले कारबाही गरेको छ ।
पीसीआर गरेको दुई हजार रुपैयाँ शुल्क तोके पनि त्यसलाई अटेरी गर्दै ती अस्पतालले बढी शुल्क लिएकोले दुई अस्पताललाई कारबाही गरेको हो । प्रमाणसहित गुनासो आएपछि अनुसन्धान गरेर प्रशासनले मानवस्वास्थ्य माथि खेलवाडमा दोषी देखिएपछि बिपी कोइराला मेमोरियल क्यान्सर अस्पताल र चितवन मेडिकल कलेजका सञ्चालकहरूसँग बयान लिएको थियो ।
क्यान्सर अस्पतालका कार्यकारी निर्देशक डा. देजकुमार गौतमलाई थप अनुसन्धानका लागि पुर्पक्षमा राख्न आदेश दिएको थियो । प्रमुख जिल्ला अधिकारी नारायणप्रसाद भट्टराईको आदेशसँगै गौतम रु आठ लाख धरौटी राखेर तारेखमा रिहा भएको शर्माले बताए ।
