- १६ भाद्र २०८३, मंगलवार / Sep 1, 2026
काठमाडौं । वैशाख ३० गते हुने स्थानीय चुनावमा उपमहानगरको भागबण्डा सत्ता गठबन्धनले टुंग्याएको छ । बुधबार प्रधानमन्त्री निवास बालुवाटारमा बसेको बैठकले उपमहानगरको भागबण्डा पनि टुंगो लगाएको हो ।
११ उपमहानगरमाध्ये कांग्रेसलाई सात, माओवादीलाई दुई, एकीकृत समाजवादी र जनता समाजवादीलाई एक–एक मेयर दिने सहमति भएको सरकारका प्रवक्ता ज्ञानेन्द्रबहादुर कार्कीले बताए ।
कसलाई कहाँ प¥यो ?
कांग्रेसः धरान, इटहरी, कलैया, तुलसीपुर, बुटवल, नेपालगञ्ज र धनगढी उपमहानगर दिने सहमति भएको छ ।
माओवादी केन्द्रः जितपुर सिमरा र घोराही उपमहानगरपालिका प्रमुख दिने समहमति भएको छ ।
एकीकृत समाजवादीः हेटौंडा उपमहानगरपालिका प्रमुख दिने समहमति भएको छ ।
जनता समाजवादीः जनकपुर उपमहानगरपालिका प्रमुख दिने समहमति भएको छ ।
महानगरको सिट बाँडफाड भने गठबन्धनले मंगलबार नै टुंगो लगाएको थियो । काठमाडौं, ललितपुर र विराटनगरको मेयर कांग्रेसले पाएको छ भने माओवादीले भरतपुर, नेकपा (एकीकृत समाजवादी) ले पोखरा र जनता समाजवादीले वीरगन्जको मेयर पाएका छन् ।
