- ६ श्रावण २०८३, बुधबार / Jul 22, 2026
कैलाली । मुक्त कमैया शिविरमा भीषण आगलागी भएको छ । कैलारी गाउँपालिका–७ को रामपुरमा रहेको विपतपुर शिविरमा आइतबार आगलागी भएको प्रहरीले जनाएको छ ।
खेतमा गहुँको नल बाल्न लगाइएको आगो हावाको माध्यमबाट शिविरमा लागेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले बताए ।
दमकल, प्रहरी र स्थानीयको सहयोगमा आगो नियन्त्रणको प्रयास भइरहे पनि हावाहुरी चलेका कारण समस्या भएको छ ।
८० वटा घर रहेको उक्त शिविरका दर्जन बढी घर जलेर नष्ट भएको सीमा प्रहरी चौकी रामपुरका असई जनक धानुकले बताए । उनले आगलागीबाट भएको क्षतिबारे यकिन विवरण आउन समय लाग्ने बताए ।
