- ११ असार २०८३, बिहीबार / Jun 25, 2026
भक्तपुर । नुवाकोट रानीपौवाका किसानहरुले मूला खेतीबाट मन्य आम्दानी गरेका छन् । आईरन र कार्बोहाईड्रेड अधिकतम पाईने मूला विशेषगरी मानव शरीरका लागि बढी फाईदाजन भएकाले यहाँका किसानहरु मूला खेतीमा आकर्षित मात्रै भएनन्, मनग्य आम्दानीसमेत गर्न थालेका हुन । नुवाकोटमा मिनअर्ली, ह्वाईटनेक, चालिसे, चेतकी र तोकीनासी जातका मूलाहरु बढी उत्पादन हुने गरेको किसानहरूले बताए ।
नुवाकोटका विभिन्न स्थानमा मूलाको व्यवसायिक खेती गरिएकाे उनीहरूकाे भनाइ छ । यहाँको मूला खरिद गरेर काठमाडौं, भक्तपुर र ललितपुरका विभिन्न ठाउँमा विक्रि गरी यसबाट करिब १, डेढ करोडसम्म आम्दानी गर्ने गरेकाे व्यापारि बताउँ छन् । परम्परागत रूपमा गरिने अन्न बालीको तुलनामा व्यवस्थित गरिने मूला खेतीले बढी आम्दानी हुने र जीविकोपार्जनमा समेत सहज हुने भएकोले यसतर्फ लागेको स्थानीय कृषक बताए ।
गाउँ गाउँमा गएर मूला ल्याइ विक्रि गर्ने व्यापारिले मनग्य आमदानी गर्न पाएको रानीपौवाली एक व्यापारिले बताइन् । उनले भक्तपुरमा ल्याएर विक्रि गर्ने गरेको र मूला विक्रिबाट २५ लाखसम्म आम्दानी गरेकाे उनकाे भनाइ छ । जिल्लामा उत्पादन भएका मूला सदरमुकामलगाएत देशका विभिन्न ठाउँमा विक्रि हुने गरेकाे छ ।
हेर्नुहोस् भिडियो…
