- २६ भाद्र २०८३, शुक्रबार / Sep 11, 2026
रुपन्देही । मणिग्राम र मोतिपुर जोड्ने पक्की पुलको निर्माणको कार्य १० वर्षपछि फेरि सुरु भएको छ । लुम्बिनी परिक्रमा अन्तर्गत तिनाउ नदीमा बन्ने यो पुलको ठेक्का सम्झौता २०६७ असार २५ गते भएको थियो ।
फेरी एक वर्षभित्र निर्माण सम्पन्न हुने जनाइएपनि विश्वास भने स्थानीयले गर्न सकेका छैनन् । निर्माणको काम दुई वर्षदेखि ठप्प रहेकाले वैकल्पिक डिजाइन मार्फत मङ्गलबार देखि सुरु भएको इञ्जिनियर दुर्गा गौतमले बताए । पुल निर्माणका लागि साढे २ वर्षको म्याद २०६९ पुस २४ मा सकिए पनि पटकपटक थप गरी २०७२ असार २५ सम्म पुर्याइएको थियो ।
त्यस यता म्याद थप स्वीकृत थिएन । नयाँ डिजाइन स्वीकृति र भेरिएशन भएपछि निर्माणको म्याद आगामी फागुनसम्म पुर्याइएको छ । तीनवटा पिलर राख्ने क्रममा जमिनमुनि चट्टान भेटिएपछि निर्माण अलपत्र परेको थियो ।
