संविधान ‘सेलिब्रेसन’ गर्ने दिन आइपुगेको छैन: मुख्यमन्त्री राउत

जनकपुरधाम । देशभर आज संविधान दिवस मनाइरहँदा प्रदेश २ सरकार भने मौन बस्ने जनाएको छ । सरकारका कर्मचारीले केन्द्रीय सर्कुलरलाई मानेर राष्ट्रिय झण्डा फहराउने र दीपावली मनाउने भए पनि सरकारका प्रतिनिधि भने मौन बस्ने भएका हुन् ।

दिवसको अवसरमा प्रदेश मन्त्रिपरिषद् बैठकले कुनै कार्यक्रम पनि तय गरेको छैन । मन्त्रिपरिषदको निर्णयले कुनै पनि कार्यक्रम निर्धारण नगरेको स्रोतको दावी छ । केन्द्रबाट घोषित कार्यक्रम अनुसार राष्ट्रिय झण्डा फहराइने र साँझ दीपावली गरिने छ । मुख्यमन्त्री लालबाबु राउतले संविधान ‘सेलिब्रेसन’ गर्ने समय आइनपुगेको बताए ।