संसद् पुनःस्थापनाको फैसला नगरे अदालतबाट न्यायाधीशलाई थुतेर सडक ल्याउने झाँक्रीको चेतावनी

काठमाडौं । प्रधानमन्त्रीले र राष्ट्रपति मिलेर संविधानमाथि कू गरेको भन्दै नेकपा प्रचण्ड–माधव पक्षकी नेतृ रामकुमारी झाँक्रीले कारबाही गर्नु पर्ने बताएकी छन् ।

संसद पुनःस्थापनाको पक्षमा फैसला नगरे सर्वोच्च अदालतका न्यायाधीशहरुलाई सडकमा ल्याएर कारबाही गर्ने चेतावनी दिएकी छन् । सिन्धुलीको कार्यक्रममा बोल्दै उनले जनताको पक्षमा फैसला नगरे अदालतबाट जनताले थुतेर सडकमा ल्याउन पनि आग्रह गरेकी छन् ।

निकै आक्रोषित भएकी झाक्रीले प्रधानमन्त्री ओलीलाई मृत्युदण्ड सम्मको सजाय दिनुपर्ने जिकिर गरेकी छन् ।