संसद् बैठकमा सहभागी हुँदा भड्किलो पोसाक लगाउँन नपाउँने

काठमाडौं । सांसदहरूले संसद् बैठकमा सहभागी हुँदा भड्किलो पोसाक लगाएर जान नपाउने भएका छन् । संसद्को मर्यादा कायम राख्न आइतवार बसेको कार्यव्यवस्था परामर्श समितिको बैठकमा मर्यादित पोशाक लगाएर जाने सहमति भएको हो । कार्यव्यवस्था समितिको बैठकमा विषयगत समितिको पहिलो बैठक शीघ्र राख्ने बारेमा सहमति भएको जनाएको छ । समिति यसअघि नै गठन भएका छन भने समितिको सभापतिको निर्वाचनको मिति तोकिएको छैन ।

अब सांसदहरूले टिसर्ट, जिन्स पाइन्ट र अन्य भड्किलो कपडा लगाउन नपाउने जनाएको छ । समितिको बैठकमा सांसदहरूले भड्किलो पोसाक लगाएर जाँदा संसद्को मर्यादा कायम नहुने ठहर गर्दै तोकिएको पोसाक लगाएर मात्र संसदमा जानुपर्नेमा जोड दिएका थिए ।