- ८ भाद्र २०८३, सोमबार / Aug 24, 2026
काठमाडौँ । कोरोना विरूद्वको खोप पाँच दिनको अवधि भित्र सबै जिल्लामा पुर्याइसक्ने योजना सरकारले बनाएको छ । खोप कुन दिन लगाउने भनेबारे तय गरिने मन्त्रालयले जनाएको छ ।
प्रशासनिक, आर्थिक र प्राविधिक प्रक्रिया पूरा गरेर खोप लगाउनका लागि सम्पूर्ण तयारी सम्पन्न भएको गरिसकेको स्वास्थ्यमन्त्री हृदयेश त्रिपाठीले जानकारी दिय ।स्वयंसेविकालाई स्वास्थ्यकर्मीसँगै खोप लगाइने मन्त्रालयले जनाएको छ । देशभरि ५२ हजार महिला स्वयंसेविकासहित करिब ३ लाख स्वास्थ्यकर्मी रहेका छन् ।
आज ११ बजेर ४५ मिनेटमा एयर इन्डियाबाट खोप त्रिभुवन विमानस्थलमा आइपुग्ने र सिधै टेकुस्थित केन्द्रीय खोप भण्डारणमा लगिनेछ । तापक्रम मेनटेन गर्न मिल्ने उपकरणजडित दुईवटा ट्रक तयारी अवस्थामा राखिएको छ भने प्रदेशमा कति खोप पठाउने भन्ने विवरण तयार पारिदै छ ।
खोप केन्द्रीय भण्डारणबाट दुई दिनभित्र प्रदेशमा र प्रदेशबाट थप दुई दिनभित्र जिल्लास्थित भण्डारण स्थलमा पुर्याउने विभागको योजना रहेको छ । खोपका लागि माथिल्लो तहका कर्मचारीलाई तालिम चलिरहेको र तल तालिम गर्ने विषयमा छलफल भइरहेको जानकारी दिए ।
