सम्झौता नभएका मुलुकको सेनामा भर्ना नहुनू परराष्ट्रको आग्रह

काठमाडौं । सम्झौता नभएका मुलुकको सेनामा भर्ती नहुन परराष्ट्र मन्त्रालयले आग्रह गरेको छ । परराष्ट्र मन्त्रालयले प्रेस विज्ञप्ति जारी गर्दै परम्परागतरूपमा सम्झौता भएका केही मित्रराष्ट्रको राष्ट्रिय सेनामा नेपाली नागरिकहरू भर्ना हुँदै आएकोमा सो बाहेक अन्य मुलुकको सेनामा भर्ना नहुन आग्रह गरेको हो ।

परम्परागत सम्झौताअनुसार नेपाली नागरिकहरू बेलायत र भारतको सेनामा भर्ती हुँदै आएका छन् । नेपालीहरू सिंगापुर पुलिसमा समेत भर्ती हुने गरेका छन् । पछिल्लो समय रुस र युक्रेनबीच भएको युद्धका कारण ती मुलुकहरूमा नेपालीहरू सेनामा भर्ती भएको विषय बहसमा

आएपछि परराष्ट्र मन्त्रालयले ती मुलुकहरूको सेनामा भर्ती नहुन आग्रह गरेको हो । परराष्ट्रको विज्ञप्तिमा भनिएको छ, ुयुद्धग्रस्त मुलुकहरूमा सुरक्षासम्बन्धी काममा नजान हुन सबैमा अनुरोध गरिन्छ।