सरिता गिरीलाई कारवाही गर्न जसपा संसदीय दलको बैठक बस्दै

३१ जेठ २०७७ काठमाडौं । पार्टीको निर्णयलाई अवज्ञा गर्दै संविधान संसोधन विधेयकविरुद्ध सरिता गिरी गराएपछि जनता समाजवादी पार्टीकी नेतृ गिरीलाई कारवाही गर्नु संसदीय दलको बैठक बस्न लागेको छ । जनता समाजवादीका एक नेताका अनुसार गिरीले पार्टीभित्र छलफल नै नगरी आफूखुसी राष्ट्रिय मुद्दा बनेको सरकारी विधेयकविरुद्ध संशोधन हालेपछि फिर्ता लिन भन्दा भन्दै नमानेपछि उनलाई कारबाही गर्न लागिएको हो ।

उनी आफूले हालेको संशोधनको सूचना फिर्ता लिने पक्षमा आएपछि भने कारबाही हुनबाट जोगिने छन् । तत्कालीन समाजवादी र राष्ट्रिय जनता पार्टी मिलेर बनेको जनता समाजवादीकी नेतृ गिरी आफ्नो गल्ती सच्याउन तयार नभएको बताइएएको छ । तरपार्टी पदाधिकारी बैठकले संविधान संशोधन विद्येयकको पक्षमा मतदान गर्ने औपचारिक निर्णय गरिसकेको छ ।

‘संविधान संशोधन विधेयकमा आज मतदान हुदैछ । सरकारले भारतद्वारा अतिक्रमित नेपाली भूमि लिम्पियाधुरा, कालापानी र लिपुलेक समेटेर जारी गरेको नेपालको नयाँ राजनीतिक तथा प्रशासनिक नक्सा संविधानको अनूसुचीमा राख्‍नका लागि पेश गरेको संशोधन विधेयक प्रतिनीधिसभाबाट आज पारित गरिदै छ ।