- १२ कार्तिक २०८३, बिहीबार / Oct 29, 2026
२ जेठ २०७७ काठमाडाैं । लदाख घटनाका बारेमा दुवै देशले आआफ्नै दाबी गरेका छन् । भारतीय सैनिकहरू सीमाबाट पछि हट्दा भिडन्त भएको भारतकाे दाबी छ भने भारतीय सेना चिनियाँ भूमिमा अघिबढेपछि भिडन्त भएको चीनको दाबी छ ।
भारतीय पक्षले केही समययता लद्दाखको गलवान क्षेत्रमा चिनियाँ सेना प्रवेश गरेकाले विवाद बढेको जनाएको छ । यता चीनले भने भारतीय सेना भारतीय भूमि छाडेर चिनियाँ भूमिमा बसेकाे जनाएकाे छ । भारत र चीनबीच सीमामा लामो समयदेखि तनाव हुँदै आएको छ ।
चीनले भारतलाई तनाव बढ्ने गरी कुनै पनि काम नगर्न आह्वान गरेको जनाएको छ । भारत र चीनबीच सन् १९६२ मा युद्ध भएको थियो । त्यसमा भारत पराजित भएको थियो । चीनले आफ्नो ३८ हजार वर्ग किलोमिटर क्षेत्र अतिक्रमण गरेको भारतको आरोप छ ।
गत मे महिनामा दुई देशका सेनाबीच सिक्किमको सीमामा हात हालाहाल भएको थियो । भारतीय सेनाले दुई देशका वरिष्ठ सैन्य अधिकारीहरूबीच विवाद समाधानका लागि वार्ता सुरु भएको जनाएको छ । पछिल्लाे समय भारतले नेपालकाे भूमि पनि अाफ्नाे हाे भन्दै कब्जा जमाउन खाेजेकाे छ ।
नेपालको भूमि लिम्पियाधुरा, लिपुलेख र कालापानी क्षेत्र समेटेर नेपालले नक्सा सार्वजनिक गरेपछि चीनले उचालेर यस्ते भएको अभिव्यक्ति भारतले दिदै आएको छ ।
