- २० श्रावण २०८३, बुधबार / Aug 5, 2026
२ असार २०७७ मंगलबार, काठमाडौं । सीमा क्षेत्र लद्दाखमा भारतीय सेना चिनिया जनमुक्ति सेनाबीच झडप भएको छ । झडपमा ३ जना भारतीय सेनाको मृत्यु भएको छ । भारतीय सेनाका अफिसरसहित दुई सैनिकको ज्यान गएको हाे ।
अन्तराष्ट्रिय समाचार माध्ययमले जनाए अनुसार पूर्वी लद्दाख क्षेत्रको चार अवरोध बिन्दु मध्ये एक गाल्वान भ्यालीमा सैनिकको हिंसात्मक मुठभेड भएको हाे । सन् १९७५ पछि पहिलो पटक नियन्त्रण रेखामा भारतीय सेना मारिएकाे भारतीय रक्षा मन्त्रालयले विज्ञप्तिमार्फत जनाएको छ ।
केहि समय पहिले समाचार अनुसार दुवै देशका सैनिक अधिकारीबीच वार्तापछि चिनियाँ सैनिकले सैनिकको संख्या घटाएको जनाएका थिए । आफ्नो तीन सैनिक अधिकारी मारिएको विषयमा जानकारी दिँदै भारतीय सेनाले दुवैतर्फ सैनिक फिर्ताको प्रक्रिया भइरहेको समयमा सो घटना भएको जनाएको छ ।
‘गलवान उपत्यकामा तनाव कम गर्ने प्रक्रिया भइरहेको समयमा गत राति दुवै पक्षबीच आसने सामने हुँदा हताहती भएको हो’ भारतीय सेनाले विज्ञप्तिमा भनेको छ, ‘भारततर्फ एक अधिकृत र दुई जवानको ज्यान गएको छ। तनावपूर्ण परिस्थितिलाई कम गर्नका लागि दुवै सैनिकका वरिष्ठ अधिकारीहरुबीच बैठक भइरहेको छ।’
झडपको विषयलाई दुवै देशले आआफ्नै दाबी गरेका छन् । चिनियाँ पक्षले भारतीय सैनिकहरुले सोमबार दुई पटक सीमा रेखा पार गरेर चीनतर्फ आएका कारण झडप भएको जनाएको छ । यसअघि सन् १९७५ दुई देशका सेनाबीच अरुणचलको तुलुङ लामा गोली चल्दा असम राइफल्सका चार जवानको ज्यान गएको थियो। त्यसछि सन् १९६२ मा भारत र चीनबीच एक महिने युद्ध भएको थियो ।
लद्दाखमा भारतीय र चिनियाँ सैनिकबीच तनाव जारी छ । निकास खोज्न जुन ६ का दिन दुई देशका सैन्य अधिकारीबीच वार्ता भएको थियो । पछिल्लो समय लद्दाखमा दुवै पक्षले संरचना निर्माण र सेना तथा हतियारको संख्या वृद्धि गरिरहेका छन् ।
