- ३१ आश्विन २०८३, शनिबार / Oct 17, 2026
मुगु । छायाँनाथ रारा नगरपालिका–६ मन्दु गाउँमा भएको सामुहिक हत्या घटनाको हप्ता दिन वितेपनि हत्यारा अझै पत्ता लाग्न सकेको छैन । हत्यारा को हो भन्ने अझै पत्ता लगाउन नसकिएको र घटनाको सघन अनुसन्धान भइरहेको प्रहरीले बताएको छ ।
घटना ८ गते वुधबारको भएपनि प्रहरीले त्यसको दुई दिनपछि शुक्रबार बिहान ९ बजे स्थानीयको सूचनापश्चात् २८ वर्षीय आमा श्रीदेवी बोहोरा, ११ वर्षीय छोरा मनोज, आठ वर्षीय छोरी अप्सरा र आठ महिनाका छोरा रहर बोहोरालाई घरभित्रै मृतावस्थामा फेला पारेको थियो ।
मृतकका श्रीमान् दीपक बोहोर शनिबार घर पुगेपछि चारै जनाको शवपरीक्षणका लागि प्रहरीले शव जिल्ला अस्पताल मुगु पुर्याएको छ । वैदेशिक रोजगारीको सिलसिलामा दीपक कतारमा थिए । सोमबारमात्रै उनी घर पुगेका हुन ।
हत्यारा पत्ता नलागेसम्म दीपकले शव नबुझ्ने अडान लिएका छन् । सवहरुको दाहसस्कार हुन सकेको छैन । प्रहरी नायब उपरीक्षक वीरेन्द्र थापासहितको विशेष अनुसन्धान टोली घटनास्थलमा खटिएर हत्याको सूक्ष्म अनुसन्धान गरिरहेको छ । सिङ्गो गाउँलाई उच्च निगरानीमा राखेर अनुसन्धान गरिएता पनि घटना घटेको हप्ता दिन वितिसक्दा पनि तथ्य प्रहरीले भेटाउन सकेको छैन ।
