हामीले कोरोना नियन्त्रणमा सहजै काम गरेका छौं : प्रधानमन्त्री ओली (भिडियोसहित)

२८ जेठ २०७७, बुधबार, काठमाडौं- प्रधामन्त्री केपी शर्मा ओलीले कोरोना नियन्त्रण तथा रोकथामका लागि सुरु देखि नै प्रभावकारी र सहजरुपमा काम थालेको दावी गरेका छन् । संसदमा सांसदहरुले उठाएका प्रश्नहरुको आज जवाफ दिंदै उनले कोरोनाविरुद्ध शत प्रतिशत काम गर्न नसकिएको हुन सक्ने भए पनि अधिकतम प्रयास गरेको बताए ।

अरु देशमा धमाधम कोरोनाको संक्रमण देखिंदा नेपालमा अति थोरै मात्र संक्रममा सीमित पार्न सकेको भन्दै सरकारको कदमको बचाउ गरे । देशको स्वास्थ्य पूर्वाधारमा भएको कमजोरीका कारण कतिपय कदम लिन कठिनाई भएको प्रधानमन्त्रीको भनाई छ ।

हेर्नुहाेस भिडियाे…

https://www.facebook.com/Kailashkhabarnews/videos/192111278716571/

उनले कोरोनाको संक्रमणको सुरुवातबाटै लकडाउनको नीति लिएको भन्दै सरकारले चालेको लकडाउनको नीतिको प्रतिरक्षा गरे । लकडाउनले कोरोना नियन्त्रणमा प्रभावकारी भएको उनको भनाई छ । भौतिकदुरी कायम गर्ने, मास्क लगाउने, स्वस्थ खाना खाने, हात धुने लगायतका सरकारले अघि बढाएका कुरा समान्य कुरा नभएको प्रधानमन्त्रीको भनाई छ ।