- ८ श्रावण २०८३, शुक्रबार / Jul 24, 2026
काठमाण्डौ । भक्तपुरमा अपहरणमा परेकी बालिकाको उद्धार भएको छ । दुई वर्ष पाँच महिनाकी बालिकाको ३६ घण्टापछि नेपाल प्रहरीको टोलीले उद्धार गरेको हो । काठमाण्डौ महानगरपालिका–८ गौशालामा चिया पसल सञ्चालन गर्दै आएका बालिकाका अभिभावकसँगै रहेकी उनलाई गएको मङ्गलवार चिया खान आएका व्यक्तिले लगेको उजुरीपछि नेपाल प्रहरीले खोजी थालेको थियो ।
जिल्ला प्रहरी परिसर काठमाण्डौ र उपत्यका अपराध अनुसन्धान महाशाखाबाट खटिएको संयुक्त टोलीले ३६ घण्टापछि बिहीवार भक्तपुरबाट ती बालिकाको उद्धार गरी अभिभावकलाई बुझाएको नेपाल प्रहरीले जनाएको छ । बालिका अपहरणको आरोपमा एक जनालाई पक्राउ गरी थप अनुसन्धान थालिएको छ ।
भक्तपुरमा अपहरणमा परेकी बालिका नेपाल प्रहरीको टोलीले सूर्यविनायक नगरपालिका–३ बालकोट पानीट्याङ्कीबाट सकुशल उद्धार गरी अभिभावकको जिम्मा लगाएको हो ।
