अझै भेटिएनन् मूर्ति विसर्जन गर्दा डुबेर बेपत्ता भएका प्रहरी जवान सन्तकुमार

रूपन्देही । दुर्गामूर्ति विसर्जन गर्ने क्रममा खोलामा डुबेर बेपत्ता भएका कोटहीमाई १ अमरगंजवाका २० वर्षीय सन्तकुमार राजभर अझै अज्ञात छन् । अमरगंजवास्थित दानव र तिनाउ नदीको संगम दुईमुहानमा मंगलबार दिउसो १ बजेतिर तीनजना युवाहरू डुबेका थिए ।

सन्तकुमारसँगै खोलामा डुबेका स्थानीय २४ वर्षीय अजय कुमार नाउ र १८ वर्षीय अजय राजभरको भने मंगलबार दिउसो शव फेला परेको थियो । मृतक अजय राजभर प्रहरी जवान रहेको र दसैंको छुट्टीमा घर आएको बखत उक्त घटना भएको कोटहीमाई १ का वडा अध्यक्ष ब्रह्मदेव यादवले जानकारी दिए।

खोलामा डुबेर बेपत्ता भएका सन्तकुमारलाई मंगलबार रातिसम्म खोजी गर्दा पनि फेला नपरेपछि बुधवार बिहानैदेखि खोजी सुरू गरिएको प्रहरीले जनाएको छ।