नाफामा हिमालयन रि इन्स्योरेन्स

काठमाडौं । गत वर्ष असार १७ गतेबाट सञ्चालित हिमालयन रि इन्स्योरेन्स कम्पनीले गत आर्थिक बर्षको अन्तिम त्रैमास सम्मको अपरिष्कृत वित्तिय विवरण सार्वजनिक गरेको छ । सार्वजनिक विवरण अनुसार समिक्षा अवधिमा कम्पनीले २७ करोड ८२ लाख ५४ हजार रुपैयाँ खुद नाफा आर्जन गरेको छ ।

तेस्रो त्रैमासी सम्ममा कम्पनीले १९ करोड ६४ लाख ५७ हजार रुपैयाँ मुनाफा हासिल गरेको थियो । यो अवधिमा कम्पनीले ७७ करोड १७ लाख ९५ हजार रुपैयाँ बिमा शुल्क बापत आम्दानी गरेको छ भने ३ करोड ३७ लाख ३९ हजार रुपैयाँ दाबि भुक्तानि समेत गरिसकेको छ ।

७ अर्ब चुक्त्ता पूूँजी भएको कम्पनीको जगेडा कोषमा १२ करोड ५१ लाख ८९ हजार रुपैयाँ सञ्चित छ । हिमालयन रिइन्स्योरेन्स कम्पनी लिमिटेडको कार्तिक २६ गते सम्पन्न प्रथम वार्षिक साधारण सभाले सर्वसाधारणका लागि साधारण सेयर निष्कासन गर्ने प्रस्ताव पनि पारित गरेको छ ।