- १७ असार २०८३, बुधबार / Jul 1, 2026
वीरगञ्ज । कात्तिक २९ गते पर्साको बहुदरमाई नगरपालिका ८ रामनगरीमा आगलागी भयो । आगलागीमा परि मनबोध साह तेलीकी १५ वर्षीया छोरी माना कुमारीको मृत्यु भएको प्रहरीमार्फत आएको सूचनालाई सञ्चारमाध्यमले सम्प्रेषण गरे ।
सो घटना भवितव्य नभइ अन्तरजातिय विवाह गरेको भन्दै आमा बुवाले नै छोरीलाई घरभित्रै जलाएर हत्या गरेको खुलेको छ । निदाएकै अवस्थामा जलेर मरेको भन्ने दाबी परिवारजनले गरे पनि अनुसन्धानले तल्लो जातको केटासँग लागेको भनेर हत्या गरेको रहस्य खुलेको छ ।
मृतककी भाउजु २२ वर्षीया मनिषा देवीले नन्दलाई सासु लालमतीले आगोमा जलाई फुसको छानामा समेत आगो लगाएको कुरा एक महिनापछि प्रहरीलाई बताइन् । लालमती देवीलाई पक्राउ गरी थप अनुसन्धान गर्दै जाँदा तल्लो जातको केटासँग लागेकाले श्रीमान मनबोधसँगको सल्लाहमै छोरीको हत्या गरेको स्वीकार गरिन् ।
