- २४ श्रावण २०८३, आईतवार / Aug 9, 2026
१६ साउन २०७७ काठमाडौं । विश्व अभियानका लागि युवा सहभागिता, रोजगारी प्रवर्धन र वातावरण संरक्षणमा युवा संलग्नता भन्ने मूल नाराका साथ साउन २८ गते यस वर्षको अन्तरराष्ट्रिय युवा दिवस देशभर मनाउने भएको छ ।
राष्ट्रिय युवा परिषद्को आयोजनामा कोभिड–१९ को कारणले वृहत भर्चुअल कार्यक्रम गर्न थालिएको परिषद्का कार्यकारी उपाध्यक्ष माधवप्रसाद ढुङ्गेलले जानकारी दिए ।दिवसका अवसरमा प्रधानमन्त्री केपी शर्मा ओलीले भर्चुअलबाट उद्घाटन गर्ने कार्यक्रम तय भएको छ ।
दिवसको अवसरमा ¥याली, अन्तरक्रिया, रक्तदान, नाटक, सरसफाइ, नीति सम्वाद, साँस्कृतिक कार्यक्रम, वृक्षरोपण, वक्तृत्वकला प्रतियोगितालगायतका युवा लक्षित कार्यक्रम राखिएको परिषद्का सूचना अधिकारी ध्रुवराज पौडेलले बताए । सन् १९९९ देखि हरेक वर्षको अगस्ट १२ (साउन २८)लाई अन्तरराष्ट्रिय युवा दिवसका रूपमा मनाउने गरिएको छ । नेपालमा भने सन् २००४ देखि युवाका क्षेत्रमा काम गर्ने विभिन्न गैरसरकारी संस्थाको आयोजनामा कार्यक्रम मनाउन थालिएको हो । ।
