- २२ आश्विन २०८३, बिहीबार / Oct 8, 2026
काठमाण्डौ । अन्तर्राष्ट्रिय पर्वतीय दिवस नेपालमा पनि विभिन्न कार्यक्रम गरी मनाइँदैछ । पानीको मुख्य स्रोत भएकाले यसको संरक्षणमा जोड दिँदै आइएको छ ।
पृथ्वीको कुल क्षेत्रमध्ये २२ प्रतिशत पर्वत क्षेत्र पर्ने र विश्वको कुल जनसंख्यामध्ये १५ प्रतिशत मानिस पर्वतीय क्षेत्रमा बसोबास गर्ने गरेको संयुक्त राष्ट्र संघले जनाएको छ । जलवायु परिवर्तन र जनसख्या वृद्धिका कारण पर्वतीय क्षेत्रमा असर पर्न थालेको छ । यही असरलाई न्यूनीकरणमा जोड दिँदै हरेक वर्ष डिसेम्बर ११ मा यो दिवस मनाउने गरिएको छ ।
पर्वतीय जीवनका बारेमा सचेतना जगाउने उद्देश्यले राष्ट्रसंघको आह्वानमा सन् २००३ देखि पर्वतीय दिवस मनाउन सुरु गरिएको हो। यस क्षेत्रमा बस्ने नागरिकको जनजीविका सहज बनाउन र वातावरणलाई बिग्रन नदिन दिवसले जोड दिएको छ ।
