अमेरिका र दक्षिण कोरियाबीच संयुक्त सैन्य अभ्यासप्रति उत्तर कोरिया आक्रोशित

एजेन्सी । अमेरिका र दक्षिण कोरियाबीच संयुक्त सैन्य अभ्यास सुरु भएकोप्रति उत्तर कोरिया आक्रोशित बनेको छ । संयुक्त सैन्य अभ्यास विरुद्ध सोमबार उत्तर कोरियाले दुई वटा ब्यालेस्टिक क्षेप्यास्त्र प्रहार गरेको हो । अमेरिका र दक्षिण कोरियाबीचको सैन्य अभ्यासलाई उत्तर कोरियाले आफूमाथि लक्षित भन्ने गरेको छ ।

उत्तर कोरियाले गत शुक्रबार मात्रै पानीमुनि प्रहार गर्न सक्ने ड्रोन परीक्षण गरेको थियो । सोमबार बिहानै पूर्वी समुद्री तटतर्फ ब्यालेस्टिक क्षेप्यास्त्र प्रहार गरी आक्रोश ब्यक्त गरेको हो । दक्षिण कोरियाली सैन्य प्रमुख र जापानी रक्षा मन्त्रालयले उत्तर कोरियाको पछिल्लो क्षेप्यास्त्र प्रहार पुष्टि गर्दै उसका गतिविधि नजिकबाट नियालेको जनाएका छन् ।